Google-ի բոլոր հնարավորությունները՝ ձեզ համար

Ձեր Google հաշվում պահված տվյալների օգնությամբ գաղտնաբառերը, հասցեները և վճարման տեղեկությունները կարող են ավտոմատ լրացվել՝ թույլ տալով խնայել ժամանակ։

Երբ դուք մտնում եք ձեր Google հաշիվ, Google-ի բոլոր ծառայությունները, որոնք օգտագործում եք, սկսում են միասին աշխատել՝ օգնելով կարճ ժամանակում ավելին հասցնել։ Օրինակ՝ Gmail-ին ուղարկված չվերթների հաստատումներն ավտոմատ կերպով կավելացվեն ձեր Google Օրացույցում և Google Քարտեզներում, որպեսզի չուշանաք թռիչքից։

Միասնական մուտքը տալիս է անհատականացված և արագ աշխատանքի հնարավորություն Google-ի բոլոր ծառայություններում. YouTube-ի դիտումների պատմությունը, ձեր կոնտակտները և Play Խանութի ձեր սիրելի հավելվածները հասանելի են ձեզ բոլոր սարքերում։ Google հաշիվը թույլ է տալիս հեշտ, անվտանգ և արագ մտնել հաշիվներ կողմնակի հավելվածներում՝ ձեր կարգավորումներն այնտեղ օգտագործելու հնարավորությամբ։

Ձեր բոլոր տվյալները և կարգավորումները հասանելի կլինեն ձեզ մեկ հպումով։ Պարզապես հպեք ձեր պրոֆիլի նկարին և անցեք «Կառավարել իմ Google հաշիվը» հղումով։ Ձեր պրոֆիլի նկարի միջոցով դուք կարող եք մտնել հաշիվ և դուրս գալ հաշվից, ինչպես նաև միացնել ինկոգնիտո ռեժիմը։

Յուրաքանչյուր օգտատեր կարող է ընտրել իրեն հարմար գաղտնիության կարգավորումները։ Դուք կարող եք ձեր Google հաշվում կառավարել դրանք այնպիսի գործիքներով, ինչպիսին է Գաղտնիության կարգավորումների ստուգումը։ Դուք նաև կարող եք միացնել/անջատել ձեր հաշվում տվյալների պահումը, ինչպես նաև ջնջել տվյալներ՝ զտելով ըստ ամսաթվի, արտադրանքի և թեմայի։

Ձեր Google հաշիվն այն կենտրոնացված վայրն է, որտեղ անձնական տվյալները պաշտպանված են (օր,՝ վարկային քարտերի տվյալները, գաղտնաբառերը և կոնտակտները)։ Անհրաժեշտ պահին ձեր տվյալները հասանելի կլինեն ձեզ համացանցում։

Ձեր Google հաշիվն ավտոմատ պաշտպանում է ձեր անձնական տվյալների անվտանգությունը։ Յուրաքանչյուր հաշվում ներդրված են հզոր գործառույթներ, օրինակ, սպամի զտիչներ, որոնք արգելափակում են վտանգավոր նամակների 99,9%-ը, նախքան դրանք կհասնեն ձեզ, և անվտանգության անհատականացված ծանուցումներ, որոնք տեղեկացնում են ձեզ կասկածելի գործողությունների և վտանգավոր կայքերի մասին։

Օգտագործման մեջ պարզ այս գործիքը հաշվի պաշտպանության անհատական խորհուրդներ է տալիս։

Ձեր Google հաշվում ներկառուցված է Գաղտնաբառերի կառավարիչ, որի օգնությամբ կարող եք անվտանգ պահել ձեր գաղտնաբառերը մեկ վայրում, որը միայն ձեզ է հասանելի։