ທັງໝົດ Google, ເຮັດວຽກເພື່ອທ່ານ

ບັນຊີ Google ຂອງທ່ານຈະຊ່ວຍທ່ານປະຢັດເວລາໂດຍການຕື່ມຂໍ້ມູນລະຫັດຜ່ານ, ທີ່ຢູ່ ແລະ ລາຍລະອຽດການຈ່າຍເງິນໂດຍອັດຕະໂນມັດ ໂດຍໃຊ້ຂໍ້ມູນທີ່ທ່ານບັນທຶກໄວ້ໃນບັນຊີຂອງທ່ານ.

ເມື່ອທ່ານເຂົ້າສູ່ລະບົບບັນຊີ Google ຂອງທ່ານ, ການບໍລິການ Google ທັງໝົດທີ່ທ່ານໃຊ້ຈະເຮັດວຽກຮ່ວມກັນເພື່ອຊ່ວຍທ່ານເຮັດສຳເລັດສິ່ງຕ່າງໆໄດ້ຫຼາຍຂຶ້ນ. ຕົວຢ່າງ: ລະບົບຈະຊິ້ງຂໍ້ມູນການຢືນຢັນຖ້ຽວບິນໃນ Gmail ກັບ Google ປະຕິທິນ ແລະ Google ແຜນທີ່ຂອງທ່ານໂດຍອັດຕະໂນມັດເພື່ອຊ່ວຍທ່ານໄປຮອດສະໜາມບິນໄດ້ທັນເວລາ.

ການເຂົ້າສູ່ລະບົບໜຶ່ງຄັ້ງຊ່ວຍໃຫ້ໄດ້ຮັບປະສົບການນຳໃຊ້ທີ່ຄ່ອງຕົວ ແລະ ປັບແຕ່ງເປັນແບບສ່ວນຕົວໄດ້ຢ່າງແທ້ຈິງ, ບໍ່ວ່າຈະເປັນການຫຼິ້ນວິດີໂອ YouTube ຕໍ່ຈາກບ່ອນທີ່ເບິ່ງຄ້າງໄວ້ໃນອຸປະກອນຕ່າງໆ ໄປຈົນເຖິງການມີລາຍຊື່ຜູ້ຕິດຕໍ່ ແລະ ແອັບທີ່ມັກຈາກ Play Store ທີ່ພ້ອມໃຫ້ເຂົ້າເຖິງໄດ້ຢ່າງງ່າຍດາຍ. ບັນຊີ Google ຂອງທ່ານຍັງເຮັດໃຫ້ມັນງ່າຍໃນການເຂົ້າສູ່ລະບົບແອັບພາກສ່ວນທີສາມໄດ້ຢ່າງປອດໄພ ແລະ ວ່ອງໄວ ເພື່ອໃຫ້ການຕັ້ງຄ່າຂອງທ່ານໄປນຳທ່ານຕະຫຼອດ ເຖິງແມ່ນຢູ່ນອກ Google ກໍຕາມ.

ທ່ານສາມາດເຂົ້າເຖິງຂໍ້ມູນ ແລະ ການຕັ້ງຄ່າຂອງທ່ານໄດ້ໂດຍການແຕະຄັ້ງດຽວ. ພຽງແຕ່ແຕະຮູບໂປຣໄຟລ໌ຂອງທ່ານ ແລ້ວໄປຕາມລິ້ງໄປຫາ “ຈັດການບັນຊີ Google ຂອງທ່ານ”. ຈາກຮູບໂປຣໄຟລ໌ຂອງທ່ານ, ທ່ານຍັງສາມາດເຂົ້າສູ່ລະບົບ, ອອກຈາກລະບົບ ຫຼື ເປີດໂໝດໂໝດບໍ່ເປິດເຜີຍຕົວຕົນໄດ້ຢ່າງງ່າຍດາຍນຳ.

ເມື່ອເວົ້າເຖິງຄວາມເປັນສ່ວນຕົວແລ້ວ, ພວກເຮົາຮູ້ດີວ່າບໍ່ມີສູດສຳເລັດຮູບທີ່ໃຊ້ໄດ້ກັບທຸກຢ່າງ. ນັ້ນແມ່ນຍ້ອນຫຍັງທຸກໆບັນຊີ Google ຈິ່ງມາພ້ອມກັບການຄວບຄຸມ ແລະ ເຄື່ອງມືທີ່ໃຊ້ງ່າຍ ເຊັ່ນ: ການກວດກາຄວາມເປັນສ່ວນຕົວ ເພື່ອໃຫ້ທ່ານສາມາດເລືອກການຕັ້ງຄ່າຄວາມເປັນສ່ວນຕົວທີ່ເໝາະສົມສຳລັບທ່ານໄດ້. ນອກນັ້ນທ່ານສາມາດຄວບຄຸມວ່າຈະບັນທຶກຂໍ້ມູນໃດໄວ້ໃນບັນຊີຂອງທ່ານໄດ້ດ້ວຍການຄວບຄຸມເປີດ/ປິດທີ່ໃຊ້ງ່າຍໆ ແລະ ລຶບຂໍ້ມູນຂອງທ່ານຕາມວັນທີ, ຜະລິດຕະພັນ ແລະ ຫົວຂໍ້ໄດ້.

ບັນຊີ Google ຂອງທ່ານໃຫ້ສະຖານທີ່ຮວມສູນທີ່ປອດໄພເພື່ອເກັບຮັກສາຂໍ້ມູນສ່ວນຕົວຂອງທ່ານ ເຊັ່ນ: ບັດເຄຣດິດ, ລະຫັດຜ່ານ ແລະ ລາຍຊື່ຜູ້ຕິດຕໍ່, ເພື່ອໃຫ້ມັນພ້ອມໃຫ້ທ່ານນຳໃຊ້ໃນທົ່ວອິນເຕີເນັດເມື່ອທ່ານຕ້ອງການມັນ.

ບັນຊີ Google ຂອງທ່ານຈະປົກປ້ອງຂໍ້ມູນສ່ວນຕົວຂອງທ່ານໂດຍອັດຕະໂນມັດ ແລະ ຮັກສາໃຫ້ມັນເປັນສ່ວນຕົວ ແລະ ປອດໄພ. ທຸກໆບັນຊີມາພ້ອມກັບຄຸນສົມບັດທີ່ມີປະສິດທິພາບ ເຊັ່ນ: ຕົວກັ່ນຕອງສະແປມທີ່ບລັອກອີເມວອັນຕະລາຍໄດ້ເຖິງ 99.9% ກ່ອນທີ່ພວກມັນຈະຮອດທ່ານ ແລະ ການແຈ້ງເຕືອນຄວາມປອດໄພທີ່ປັບແຕ່ງເປັນແບບສ່ວນຕົວທີ່ແຈ້ງເຕືອນທ່ານກ່ຽວກັບການເຄື່ອນໄຫວອັນທີ່ໜ້າສົງໄສ ແລະ ເວັບໄຊອັນຕະລາຍ.

ອຸປະກອນທີ່ງ່າຍດາຍນີ້ໃຫ້ການແນະນຳທີ່ເປັນແບບສ່ວນຕົວແກ່ທ່ານເພື່ອຊ່ວຍຮັກສາໃຫ້ບັນຊີຂອງທ່ານປອດໄພ.

ບັນຊີ Google ຂອງທ່ານມາພ້ອມກັບຕົວຈັດການລະຫັດຜ່ານໃນຕົວທີ່ບັນທຶກລະຫັດຜ່ານຂອງທ່ານໄວ້ໃນບ່ອນສູນກາງໄດ້ຢ່າງປອດໄພທີ່ມີແຕ່ທ່ານເທົ່ານັ້ນສາມາດເຂົ້າເຖິງໄດ້.